جمعہ, فروری 28, 2025
اشتہار

وزیر اعلیٰ ہاؤس میں سندھ اپیکس کمیٹی کا اجلاس جاری

اشتہار

حیرت انگیز

کراچی : وزیر اعلیٰ ہاؤس میں سندھ اپیکس کمیٹی کا اجلاس جاری ہے،اجلاس میں گورنر سندھ،ڈی جی رینجرز سمیت اعلیٰ حکام شریک ہیں۔

تفصیلات کے مطابق وزیراعلیٰ سندھ ہاؤس میں وزیر اعلیٰ سندھ کی زیر صدارت سندھ اپیکس کمیٹی کا اجلاس جاری ہے،اجلاس میں گورنر سندھ،کور کمانڈرسندھ ،ڈی جی رینجرزسندھ،آئی جی سندھ،چیف سیکرٹری،سیکرٹری داخلہ،مشیر قانون، مشیر اطلاعات اور صوبائی وزیر نثار کھوڑو شرکت کررہے ہیں۔

اجلاس میں چیف سیکرٹری سندھ اجلاس کے شرکاء کو نیشنل ایکشن پلان پر عملدر آمد پر پیش رفت سے آگاہ کرتے ہوئے سندھ حکومت کی کارکردگی اور اقدامات کی رپورٹ پیش کریں گے۔

جب کہ آئی جی پولیس اور ڈی جی رینجرز بھی صوبے کی سیکیورٹی اور دہشت گردوں کی سرکوبی کے لیے نیشنل ایکشن پلان میں طے کیے گئے اہداف کے حصول کے حوالے سے اپنی کارکردگی کی رپورٹ بھی پیش کریں گے۔

اس کے علاوہ سندھ میں مدارس کی رجسٹریشن کے حوالے سے صوبائی کابینہ کی جانب سے منظور کیے گئے بل کو بھی سندھ اپیکس کمیٹی میں پیش کیا جائے گا اوراس بل پر عمل درآمد کرانے کے لیے اقدامات کا تعین بھی کیا جائے گا۔

ذرائع کے مطابق اجلاس میں 22 اگست کو ایم کیو ایم قائد کی جانب سے کی گئی پاکستان مخالف اور تشدد پر اکسانے والی تقریر کے بعد صوبے اور بالخصوص کراچی میں پیدا ہونے والی صورت حال کا بھی جائزہ لیا جائے گا اور اس حوالے سے اہم فیصلوں کا بھی امکان ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں

StatCounter - Free Web Tracker and Counter