کراچی: تحریک انصاف کے سربراہ عمران خان نے کہا ہے کہ ملک میں بیلٹ بکس کے ذریعے تبدیلی لانا چاہتا ہوں کیونکہ اسی میں پوری قوم کا مستقبل ہے، پی پی کے مطالبات منظور نہیں ہوئے تو لگ رہا تھا کہ بلاول 27 دسمبر کو رو پڑیں گے۔
ان خیالات کا اظہار انہوں نے کراچی کے مقامی ہوٹل میں پروفیشنل فورم سے خطاب کرتے ہوئے کیا۔ عمران خان کا کہنا تھا کہ ملک میں بیلٹ بکس کے زریعے تبدیلی لانا چاہیتے ہیں جس کے لیے تحریک انصاف جدوجہد کررہی ہے۔
انہوں نے کہا کہ ملک میں تبدیلی لانے کے لیے پروفیشنل ہمارا ساتھ دیں، ان کا کہنا تھا کہ اسمبلیوں میں انے والا طبقہ قبضہ مافیا ہے اس صورتحال میں ملکی ترقی ممکن نہیں ہے۔ پاکستان ساٹھ کی دھائی سے ایشین ٹائیگر تسلیم کیا جاتا ہے کرپٹ کو کرپٹ اور ڈاکو کو ڈاکو کہوں گا۔
پڑھیں: ’’ ٕپی پی قیادت کے اعلان پر عمران خان کا رد عمل ‘‘
عمران خان نے کہا کہ جن لوگوں کو تحریک انصاف میں انا چاہیے تھا وہ نہیں آئے جس کا مجھے افسوس بھی ہے، چیئرمین پی ٹی آئی نے کہا کہ ملک کا سب سے بڑا مسئلہ کرپشن ہے اور بیرون ملک سے آنے والے سرمایہ کار کرپشن کی ہی وجہ سے سرمایہ کاری نہیں کررہے۔
مزید پڑھیں: ’’ کراچی: عمران خان نے شوکت خانم اسپتال کا سنگ بنیاد رکھ دیا ‘‘
تحریک انصاف کے چیئرمین نے کہا کہ ’’خیبرپختونخوا میں تبدیلی آچکی ہے جو سب کے سامنے ہے، ستائیس دسمبر کی تقریر میں مطالبات نہ مانے گئے تو لگ رہا تھا کہ بلاول بھٹو روپڑیں گے، ان کا کہنا تھا کہ اگر ادارے ٹھیک کردیئے جائیں تو سارا سسٹم ٹھیک ہوسکتا ہے۔
