منگل, فروری 18, 2025
اشتہار

کراچی آپریشن کسی خاص جماعت یا گروہ کیخلاف نہیں، ترجمان رینجرزکی وضاحت

اشتہار

حیرت انگیز

کراچی : سندھ رینجرز کے ترجمان نے ایک سیاسی جماعت کے رہنما کے بیان کو حقائق کے منافی قرار دے دیا۔ ترجمان کا کہنا ہے کہ کراچی آپریشن کا مقصد کراچی میں دیرپا امن قائم کرنا ہے۔

تفصیلات کے مطابق سندھ رینجرز نے وضاحت کی ہے کہ کراچی آپریشن کسی مخصوص جماعت یا گروہ کیخلاف نہیں، قانون کو مد نظر رکھتے ہوئے کراچی آپریشن کیا جارہا ہے۔

ترجمان رینجرز نے اپنے بیان مٰں کہا ہے کہ ایک سیاسی جماعت کے رہنما نے ڈی جی رینجرز کو مخاطب کرکے یہ منفی تاثر دینے کی کوشش کی کہ کراچی آپریشن کا ہدف کوئی خاص فرد یا سیاسی جماعت ہے۔

انہوں نے کہا کہ رینجرز سندھ میں قانون کی بالادستی کو مدنظر رکھتے ہوئے کسی خاص جماعت یا گروہ سے مبرا جرائم پیشہ اور دہشت گردی میں ملوث عناصر کے خلاف آپریشن کررہی ہے، کراچی آپریشن کا مقصد شہر میں دیرپا امن کا قیام ہے۔

 

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں

Statcounter