لاہور : وزیر قانون پنجاب رانا ثناءاللہ خان نے کہا ہے کہ پی ٹی آئی کو اسلام آباد پر چڑھائی کسی صورت نہیں کرنے دیں گے۔ ایک بار سمجھائیں گے۔ دوسری بار سمجھائیں گے لیکن تیسری بار راستہ روک لیں گے۔
ان خیالات کا اظہار انہوں نے لاہور میں میڈیا سے گفتگو کرتے ہوئے کیا، رانا ثناءاللہ خان نے کہا کہ اس بات میں کوئی شک نہیں رہا کہ تحریک انصاف لاشوں کیلیے اسلام آباد بند کرنا چاہتی ہے۔
رانا ثنااءاللہ نے عمران خان کو تنقید کا نشانہ بناتے ہوئے کہا کہ یہ شخص قوم کو نیچا دکھانا چاہتا ہے، ان کا جلسہ گانوں سے شروع ہوتا ہے اور گالیوں پر ختم ہوتا ہے۔ ایک سوال کے جواب میں ان کا کہنا تھا کہ امید ہے پاگل پن کا دورہ ختم ہوجائے گا ورنہ آئین اور قانون کے مطابق انہیں روکنے کی مکمل تیاری ہے۔
عمران خان کی جانب سے وزیر اعلیٰ پنجاب میاں شیباز شریف پر کرپشن کے الزام کا دفاع کرتے ہوئے وزیر قانون پنجاب نے کہا کہ شہبازشریف کا اپناچیلنج ہے 15روپے کی بھی کرپشن ہو تو سیاست کا حق نہیں۔
عمران خان کسی ایک منصوبے کا بتائیں،اس کاپوراریکارڈ سامنے رکھ دینگے۔ ان کا کہنا تھا کہ جاوید صادق کی کمپنی پاکستان میں کئی منصوبوں میں کام کررہی ہے، جاوید صادق چین کی کنسٹرکشن کمپنی کے چیف ایگزیکٹو ہیں۔
