بدھ, فروری 19, 2025
اشتہار

سپریم کورٹ کا شریف خاندان کی 3شوگر ملزکو بند کرنے کا حکم

اشتہار

حیرت انگیز

لاہور : سپریم کورٹ نے اتفاق شوگر ملز سمیت شریف فیملی کی تین شوگر ملز کو کام سے روک دیا اور جہانگیر ترین کی درخواست منظور کر لی جبکہ لاہور ہائیکورٹ کا حکم نامہ کالعدم قرار دے دیا۔

تفصیلات کے مطابق سپریم کورٹ میں شوگر ملز کی شمالی سے جنوبی پنجاب منتقلی کے خلاف سماعت چیف جسٹس کی سربراہی میں ہوئی، جہانگیر ترین کی کمپنی جے ڈی ڈبلیو شوگر مل کے سینئر وکیل اعتزاز احسن نے اپنے دلائل میں کہا کہ لاہور ہائی کورٹ نے اتفاق شوگر مل کو ابتدائی ریلیف فراہم کیا، کیس جاری ہے۔

اعتزاز احسن نے کہا کہ اتفاق شوگر مل نے ابتدائی ریلیف کی آڑ میں کرشنگ جاری رکھی۔ پاور پلانٹ کی آڑ میں شوگر مل لگائی گئی جبکہ سپریم کورٹ کا واضح فیصلہ ہے، نئی شوگرمل نہیں لگائی جاسکتی۔

سپریم کورٹ نے دلائل کا جائزہ لینے کے بعد جہانگیر ترین کی درخواست منظور کر لی اور لاہور ہائیکورٹ کا حکم نامہ کالعدم قراردے دیا۔

اعلی عدالت نے کیس ہائی کورٹ کو بھیجتے ہوئے ہدایت کی کہ ہائی کورٹ سولہ فروری کوسماعت کرے اور تمام فریقین کوسُن کر سات یوم میں فیصلہ یقینی بنائے جب تک ہائیکورٹ حکم امتناعی کا معاملہ نہیں نمٹاتی شوگر ملز کے آپریشنز بند رہیں گے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں

StatCounter - Free Web Tracker and Counter