کراچی: چیئرمین تحریک انصاف عمران خان نے کہا ہے کہ کراچی سے پاکستان کی تمام تحریکیں شروع ہوئیں، ہم مزار قائد پر کراچی کی تاریخ کا سب سے بڑا جلسہ کریں گے،کراچی سے پاکستان کی تمام تحریکیں شروع ہوئیں، ایم کیو ایم کے قبضے سے پہلے یہاں سے تحریکیں ہوتی تھیں۔
یہ بات چیئرمین تحریک انصاف عمران خان نے کراچی میں ورکرز کنونشن سے خطاب کرتے ہوئے کہی۔
انہوں نے کہا کہ نئے پاکستان کی جدوجہد ملک میں انصاف کا نظام قائم کرنے کے لیے ہے، مزار قائد پر کراچی کی تاریخ کا سب سے بڑا جلسہ کریں گے۔
پاناما کیس کے حوالے سے چیئرمین تحریک انصاف کا کہنا تھا کہ پاناما کیس کی کامیابی کے بعد بار بار سندھ آؤں گا۔
