Dubai: Muttahida arab emaraat main khelay janay valay Asia cup main shirkat kay liye quomi cricket team sarfraz ahmed ki qayadat main dubai pohanch gayi.
Tafseelat kay mutabiq quomi cricket team captain sarfraz ahmed ki qayadat main gair mulki airline ki parwaaz E K 623 say dubai pohanch gayi, quomi team event main apna pehla match Hongkong kay khilaaf 16 september ko kheley gi.
Asia cup 15 say 28 september tak UAE main khela jaye ga, Asia Cup Cricket Tournament main 6 Teams hissa lain gi, event main Pakistan aur India ka match 19 september ko khela jayega.
Asia cup kay liye quomi team main Sarfraz Ahmed, Babar Azam, Asif Ali, Imam ul haq, Shoaib Malik, Shan Masood, Fahim Ashraf, hassan Ali, Muhammad Aamir, Shadaab Khan, Haris Sohail, Muhammad Nawaz, Junaid Khan, Shaheen Afridi, aur Usman Shenwari Shamil hain.
UAE main khelay janay walay Asia Cup Tournament main Pakistan, India, Bangladesh, Sirilanka , Afghanistan, Aur HongKong ki teams shareek hain aur event ka sab say bara takra 19 september ko Pakistan aur rivaiyati hareef Bharaat kay darmiyan hoga.
Yad rahay kay guzishta roz Qaddafi Stadium main media say guftagu kartay huvay Captain Sarfraz ahmed ka kehna tha kay bhaarat kay khilaaf match hamesha ahmiyat ka hamil hota hai, Champions Trophy Final main fatah maazi ka hissa ban chuki hai, naye match main naya challenge hoga.
Leave a Comment