Karachi: Private Schools ki feeson main izafay ko gair qanooni qarar diye janay kay bawajud schools ki janib say izafi feeson ki wasooli ka silsila jari hai.
Tafseelat kay mutabiq rawan haftay 3 september ko sindh high court nay private schools ki janib say feeson main 5 feesad say zaid izafay ko gair qanooni qarar dediya tha.
Adalati ahkamat kay bawajud private schools ki janib say izafi feesain wasool ki jarhi hain, waldain ka kehna hai kay june july ki fees aur salana charges bhi wasool kiye jaray hain.
Doosri janib director general private school kay mutabiq adalatai ahkamaat ki copy mousool nahi hui hai, adalati hukum ki copy miltay hi amal daramad kiya jayega.
