Islamabad: Ehtesaab adalat main sabiq wazeer khazana ishaq dar kay khilaf aamdan say zaid asasa jaat reference ki samaat 12 september tak multavi kardi gayi.
Tafseelat kay mutabiq sabiq wazeer e khazana ishaq dar kay khilaaf aamdan say zaid asasa jaat reference ki samaat judge muhammad bashir nay ki.
Samaat main gavah saeed ahmed ehtesaab adalat main pesh hovay.
Wakeel e safai qazi misbah nay doosray gavah ishteyaq ahmed par jrah mukammal karli. gavah ishteyaq ahmed ko guzishta samaat par mazeed dastaveezat kay sath aaj talab kiya gaya tha.
Ehtesaab adalat nay case ki mazeed samaat 12 september tak multavi kardi.
Khayal rahay kay guzishta samaat main istagsa kay doosray gavah basharat mehmood ka bayan bhi qalamband kiya gaya tha.
Basharat mehmood nay apnay bayan mian kaha tha kay yakam november 2017ko NAB lahore say call off notice mila tha, NAB main 2004 say clerk ki khidmaat sar anjam day raha hun.
Is say samaat main istagsa kay 4 gavahon kay bayanat qalamband kiye gaye thay. Akhri samaat main adalat main shareek mulziman saeed ahmed, naeem mehmood aur mansoor raza rizvi bhi pesh huvay thay.
