Islamabad: Parliament lodges ki tazeen o araish kay liye 11crore 55 lakh rupay kay tenders jari kardiye gaye.
Tafseelat kay mutabiq Parliament lodges ki tazeen o araish kay liye 11 crore rupay kay tenders jari kardiye gaye. Arkaan Parliament kay liye 3 crore rupay ka furniture khareednay ka tender day diya gaya.
Puranay furniture ki polish par 45 lakh rupay kharch hongay. Parliament lodges kay bathroom upgrade karnay par 95 lakh rupay ka tender diya gaya. arkaan e parliament kay kitchen par 60 lakh rupay khrach kiye jaingay.
Naye arkaan parliament kay liye 50 lakh kay parday khareednay ka trend diya gaya. Arkaan ko puranay qaleen pasand nahi aye, 40 lakh kay qaleen khareeday jarahy hain.
Arkaan ki gariyon ko dhoop aur barish say bachanay kay liye 2 crore ki parking shades lagaingay.
Parliament lodges ki safai kay liye 2 crore 80 lakh ka tender jari kiya gaya hai. Arkaan kay kamron ki sealing 30 lakh main nayi ki jaye gi jabkay 25 lakh rupay kay cooking range khareednay ka tender bhi jari kiya gaya hai.
