Lahore: Chief Justice Miyan Saqib Nisar nay kaha kay retirement kay bad Dam par pehra dunga, Jhonpara bana kar Dam par rehna para to rahunga, jo kuch is dharti nay hamen diya aaj lotanay ka waqt agay hai.
Tafseelat kay mutabiq Chief Justice miya saqib nisar sey tajiron kay wafd ki mulaqaat hui, jis main tajiron kay wafd nay Dam fund main 10 crore ka cheque chief justice ko pesh kiya.
Is moqay par chief justice Saqib Nisar nay kaha karobari hazraat par mushtamil wafd nay 1 arab funds main denay ka kaha hai, Aaj tajiron kay wafd nay pehli qist di hai, mulk ki baqah kay liye dam naguzeer hai aur dams ki tammeer mulki tarraqi kay liye naguzeer hai.
Chief Justice Pakistan nay wazeer e azam ka pani say muttaliq bayan khush aaind qarar dete huvay kaha kay retirement kay bad Dam par pehra dunga, Jhonpara bana kar Dam par rehna para to rahunga.
Chief Justice ka kehna tha kal hamen apnay wasail say Dams ki tamer karni hai, Jo kuch is dharti nay hamen diya aaj lotanay ka waqt agaya hai, supreme court nay khud iqdaam uthaya tha, aaj poori quom awaz ban chuki hai.
Chief justice nay kaha kay is mulk nay hamen bhut kuch diya hai, ye mulk na hota to shyed main aaj kisi bank main Manager hota, nayi nasal taqazad kar rahi hai, aap hamen kiya day kar jaingay, kiya aap anay vali nasal ko maqrooz chor kar jana chahtay hain, Pakistan par qarza khtahm na huva to tareekh hamen muaaf nahi karegi.
Beroon e mulk muqeem Pakistaniyon kay havalay say in ka kehna tha kay overseas Pakistaniyon say bhut muhabbat kartay hain, in kay dilon main Pakistan kay liye muhabbat dekhi, badlay main hum nay overseas Pakistaniyon ko kiya diya hai, in logon nay hamesha mushkil waqt main Pakistan ka sath diya.
Chief Justice nay kaha log apnay bachon ko wirasat main kuch dekar jatay hain, mulk say corruption khtham hojaye to mulk tarraqi karega, Wazeer e azam nay overseas Pakistaniyon say fund main hissah dalnay kay liye kaha, in say hum bari tavvaquat rakhtay hain.
Taqreeb kay doraan nanhay bachon ki janib say Dams fund kay liye 5, 5 hazaar rupay kay check chief justice ko pesh kiye gaye.
