Sukkur: Sindh assembly kay speaker agha siraj durrani nay kaha hai kay agar kisi ko ateraaz hai to sarkari gariyan bechnay kay liye tayyar hain, merey sath koi bara protocol nahi hota.
In khayalat ka izhar unhon nay sukkur main media say guftagu kartay huvay kiya, Speaker Sindh Assembly ka kehna tha kay mere sath koi bara protocol nahi hai, sirf chand gariyan hain.
Inhon nay kaha kay agar koi ateraaz karay to hum sarkari gariyan bechnay kay liye tayyar hain.
Agha siraj durrani ka youm e difah par tabsirah kartay huvay kehna tha kay youm e difah par tamam shuda ko khiraaj e aqeedat oesh kartay hain, Fauj ki qurbaniyon ki badolat ye mulk salamat hai.
Rehnuma PP Sharjeel Memon kay hawaley se poochey gae sawal par unka kehna tha key is muamlay par sindh hukumat jawab degi.
