Rawalpindi: DG ISPR ka kehna hai key 6 September 2018 ki markazi taqreeb raat 8 bajay say barae rast nashar hogi, wazeer e azam Imran Khan aur Army Chief General Qamar Javed Bajwa khitaab karengay.
Tafseelat kay mutabiq Pak fauj kay shuba talluqat e aama (ISPR) kay director general Major General Asif Ghafoor nay samaji rabtay ki website twitter par youm e difah o shuhda ki markazi taqreeb ka promo jari kardiya, jis main markazi taqreeb ki jhalkiyan dhikhai gayin hai.
Nayi video kay mutabiq taqreeb ka aghaz quomi taranay aur tilawat kalam pak say hoga, taqreeb main watan say ishq aur quomi jazbay ki kahani say haazreen ko agha kiya jayega, aur shuda kay lavaeqeen ki yadon say saji taqreeb main aman say taraqi ka safar bhi bataya jae ga jabkay mussalaah afvaaj kay dastay parade aur Army band bhi apni performance say lahu garmaingay.
DG ISPR ka kehna hai kay youm e difah o shuhda ki markazi taqreeb raat 8 bajay GHQ say barah e rast nashar hogi aur wazeer azam imran khan aur army chief general qamar javed bajwa taqreeb say khitaab karengay.
Yad rahay guzishta roz DGISPR major general asif ghafoor nay samaji rabtay ki website twiiter per youm e difah o shuhda kay havalay say Akhri promo jari kiya tha, jis main Army chief general qamar javed bajwa nay shuhda ko khiraj e aqqedat pesh kartay huvay pegham main kaha tha k shaheed ki jo mout hai vo quom ki hayat hai, shuhda Pakistan aur lavaheqeen ko salaam.
