26.9 C
Karachi
Thursday, March 28, 2024
- Advertisement -
 

Tehreek-e-Insaaf main shamooliyat par qareebi doston say mushawrat kar raha hoon’ Farooq Sattar

TOP NEWS

Web Desk
Web Desk
News Stories Posted by ARY News Digital Team

Karachi: MQM Pakistan kay rehnuma farooq sattar ka kehna hai kay tehreek insaaf main shamooliyat par qareebi doston say mushwarat kar raha hoon.

Tafseelat kay mutabiq MQM Pakistan kay rehnuma nay Election commission kay bahir media say guftagu kartay hovay kaha kay Election commission main be lagaam intekhabi akhrajaat say muttaliq petition dair ki hai.

unhon nay kaha kay quomi assembly kay rukun kay akhrajaat 40 aur soobai nishist kay akhrajaat 30 lakh rakhay gaye likin siyasi jamaten lakhon aur qaroron rupay kharch kardetin hain.

Farooq sattar nay kaha kay umeedwar ko aam intekhabat main yaksan mavaqay nahi mil patay, in akhrajaat ko party asasa jaat main zahir kiya jana chiye, intekhabi islahaat main intekhabi akhrajjat ko kam  kiya jaye.

MQM Pakistan kay rehnuma say tehreek insaaf mian shamooliyat say muttaliq sawal kiya gaya jis par inhon nay kaha kay ek jamaat aur ek manshoor say 30 saal say jura hoon.

Inhon nay kaha kay Tehreek insaaf kay baaz arkaan nay rabta kiya hai, tehreek insaaf main sahmooliyat par qareebi doston say mushwrat kar raha hoon.

Farooq sattar nay mazeed kaha kay arif alvi kay saddar bannay kay bad NA 247 ki nishist khali horahi hai, Tehreek insaaf ki koshish hai is nishst par main khara hojaoun.

- Advertisement -
- Advertisement -
 

POLL

Will the PML-N led govt be able to steer Pakistan out of economic crisis?

- Advertisement -
 

MORE STORIES