چارسدہ : شبقدر میں نامعلوم افراد کی فائرنگ سے بار ایسوسی ایشن کے سابق صدر محمد جان ایڈوکیٹ جاں بحق جبکہ بھانجا زخمی ہوگیا۔
تفصیلات کے مطابق چارسدہ کے علاقے شبقدر میں نامعلوم افراد کی جانب سے فائرنگ کی گئی، جس کے نتیجے میں بار ایسوسی ایشن کے سابق صدر محمد جان ایڈوکیٹ جاں بحق اور بھانجا زخمی ہوا،جنھیں اسپتال منتقل کردیا گیا ہے۔
واقعے کی اطلاع ملتے ہی سیکیورٹی اہلکاروں نے علاقے کو گھیرے میں لے لیا ہے۔
وائس چیئرمین خیبرپختونخوا بار کونسل محمد صریر نے محمد جان ایڈووکیٹ کے قتل کی مذمت کرتے ہوئے قاتلوں کی فوری گرفتاری کا مطالبہ کیا ہے جبکہ بار کونسل کا ہنگامی اجلاس طلب کرلیا گیا ہے۔
وائس چیئرمین خیبرپختونخوا بار کونسل کا کہنا ہے کہ شبقدرمیں وکیل محمدجان گیگیانی پرجان لیوا حملہ قابل مذمت ہے، وکلا پر اس قسم کے تشدد کی شدید مذمت کرتےہیں، وکلا کو سیکیورٹی فراہم کرنا حکومت کی ذمہ داری ہے۔
مزید پڑھیں : چارسدہ دھماکے: 7 افراد شہید،13زخمی، 3 خودکش حملہ آور ہلاک
یاد رہے گذشتہ ماہ تنگی میں کچہری گیٹ کے قریب 2 دھماکوں اور فائرنگ میں 3 دہشت گرد ہلاک اور 7 افراد شہید ہوگئے تھے جبکہ واقعے میں 13 افراد زخمی ہوگئے، پولیس کے تین جوانوں نے جان پر کھیل کر علاقے کو بڑی تباہی سے بچایا تھا۔
