اسلام آباد: وزیراعظم کی صاحبزادی مریم نواز نے کہا ہے کہ میں نے اپنے والد اور اہلِ خانہ میں سے ایک بھی فرد کے چہرے پر پریشانی کے اثرات نہیں دیکھے یہ تب ہوتا ہے جب دامن صاف ہو اور معاملات اللہ پر چھوڑ دیئے جائیں۔
یہ بات مریم نواز شریف نے سماجی رابطے کی ویب سائٹ ٹوئٹر پر اپنے ایک پیغام میں کہی انہوں نے اشارۃً واضح کیا کہ پاناما لیکس کے فیصلے کو لے کر شریف خاندان میں کوئی پریشانی نہیں ہے۔
Not for once have I seen my father or any member of the family anxious or concerned. That’s what happens when u entrust yr matters to Allah.
— Maryam Nawaz Sharif (@MaryamNSharif) April 19, 2017
اپنے پیغام میں انہوں نے اطمینان کا اظہار کرتے ہوئے کہا کہ جب معاملات کو اللہ پر چھوڑ دیا جاتا ہے تو اللہ پر بھروسہ کرنے والے دکھی یا پریشان نہیں ہوتے اس لیے اپنے والد کو ایک بار بھی پریشان نہیں دیکھا۔
When all your plans have miserably failed & your precarious future hinges on & your best bet is a court decision. pic.twitter.com/Btk6UP8dii
— Maryam Nawaz Sharif (@MaryamNSharif) April 19, 2017
انہوں نے اپنی ایک اور ٹیوٹ میں اپوزیشن جماعتوں کا پاناما کیس کے متوقع فیصلے کے حوالے سے تیاریوں اور بیانات کو تنقید کا نشانہ بناتے ہوئے کہا کہ ان لوگوں کے تمام منصوبے ناکام ہو چکے ہیں اور ان کا مستقبل مخدوش ہے جب کہ شریف خاندان ان ہتھکنڈوں سے بے نیاز ہے۔
And when you are guilt-free, focused & have faith in Allah & have worked for your success. pic.twitter.com/YJWRBpvasb
— Maryam Nawaz Sharif (@MaryamNSharif) April 19, 2017
مریم نواز کا کہنا تھا کہ جب کسی کا دامن صاف ہو اور اس نے اپنا معاملہ اللہ کے سپرد کردیا ہو تو ایسے لوگ دکھی یا پریشان نہیں ہوتے بلکہ وہ اپنی منزل پر توجہ مرکوز کیے آگے ہی بڑھتے رہتے ہیں اور یہی میرے والد وزیراعظم نوازشریف اس وقت کر رہے ہیں۔
