Youm e difah Pakistan: Speaker, deputy speaker key paighamat.

Islamabad: Youm e difah-e-Pakistan par speaker aur deputy speaker quomi assembly nay apnay pegham main kaha hai kay mulk kay tahafuz kay liye mussalah afvaaj ki qurbaniyan qabil e tehssen hain.

Tafseelat kay mutabiq Youm e difah Pakistan kay moqay par speaker quomi assembly asad qaiser nay apnay pegham main kaha hai kay quom shuda ki qurbaniyon ko qadar e nigah say dekhti hai.

Speaker assembly nay mazeed kaha kay Pak Fauj kisi bhi jarhiyat ka muu tor jawab dene ki salihiyat rakhti hai, dehshad gardi kay khilaaf jang main quom mussalah afvaaj kay shana bashana hai.

Deputy speaker quomi assembly Qasim Soori nay youm e difah kay moqay par apnay pegham main kaha kay mulk kay tahafuz kay liye mussalah afvaaj ki qurbaniyan qabil tehseen hain.

Qasim Soori nay kaha kay 6 september 1965 ko quom aur mussalah afvaaj nay bemisal jazbay ka muzahirah kiya, quomi jazbay ko dohra kar tamam challenges say nabard aazma hosktay hain.