Begum Kulsoom Nawaz ki maiyyat jati umrah pohnachadi gayi

Lahore: Sabiq Wazeer e azam nawaz sharif ki aheliya begum kulsoom nawaz ki maiyyat jati umrah pohancha di gayi hai, Namaz e janaza jati umrah kay Medical city ground main ada ki jayegi, Maulana Tariq Jameel namaz e janaza parhaingay.

Tafseelat kay mutabiq Muslim Leaugue N kay saddar shahbaz shaarif aaj subha begum kulsoom nawaz ki maiyyat kay hamra london say lahore airport pohanchay. Kulsoom nawaz ki maiyyat Pakistan lanay vali parvaaz pk 758 ko sawah ghanta takheer ka samna karna para tha.

Maiyyat kay hamra in ki sahabzadi Asma Nawaz, Hassan Nawaz, Aur Hussian Nawaz kay sahab zaday shehbaz sharif aur degar ahele khana samet 13 afraad watan wapis pohnachay hain.

Begum kulsoom nawaz ki maiyyat ko airport par wasool karnay kay liye shareef khandaan kay degar afraad bhi watan wapis pohanchay thay.

Sabiq wazeer e azam ki aheliya begum kulsoom nawaz ki namaz e janaza aur tadfeen shareef medical complex Raiwind umrah main ki jayegi. Inhen Nawaz Sharif kay walid miyan muhammad sharif kay pehlun main supurd e khak kiya jayega.

Namaz e janaza ki tayariyan mukammal karli gayim hain. Janazah gah main safon ki nishandahi kay liye lines lagadin gayin hain jabkay loud speaker bhi nasb kardiya gaya hai.

Zarae kay mutabiq Jati umran kay iteraaf main 3 muqamat par security high alert rakhi gayi hai, jabkay karkunaan ko sui gas society ki janib say Annay ki ijazat hogi.