Wifaq aur Punjab hukumat ka wafad begum kulsoom nawaz ki namaz e janaza main shirkat karega.
- By Web Desk -
- Sep 14, 2018
Islamabad: Wafaq aur Punjab hukumat ka wafad begum kulsoom nawaz ki namaz e janaza main shirkat karega, Speaker quomi assembly asad qaiser, Governor Punjab Chaudry sarwar aur wazeer e alla Punjab Usman buzdar wafd main shamil hain.
Tafseelat kay mutabiq wafaq aur punjab hukumat ka wafd sabiq wazeer e azam Nawaz Sharif ki aheliya Begum Kulsoom Nawaz ki Namaz e janaza main shirkat karega, Speaker quomi assembly asad qaiser, Governor Punjab Chaudry Sarwar aur Wazeer e aala Punjab Usman Buzdar namaz e janaza main shirkat kay liye jati umrah pohanchay gay.
Pakistan Tehreek e Insaaf kay degar rehnuma bhi begum kulsoom nawaz ki Namaz e janaza main shirkat karengay.
Begum kulsoom nawaz ki maiyyat Ambulance kay zarye Jati umrah pohancha di gayi, maiyyat sharif medical hospital kay sard khanay main rakhvaingayin hain.
Begum kulsoom nawaz ki namaz e janaza sharif medical city main aaj sham ada ki jayegi, maroof mablig Maulana Tariq Jameel namaz e janaza parhaingay, jis kay bad tadfeen jati umrah main hi hogi.