Islamabad: Wazeer e ittalat fawad chaudry ka kehna hai kay wazeer e azam Imran khan youm e difah ki markazi taqreeb main bator mehman e khususi shareek hongay.
Tafseelat kay mutabiq wazeer e ittalat fawad chaudry nay samaji raabtay ki website twitter par jari karda apnay pegham main kaha hai kay youm e difah ki markazi taqreeb 6 september 2018 ko GHQ main munnaquid hogi, Wazeer e azam Imran khan youm e difah ki markazi taqreeb main bator mehman e khususi shareek hongay.
Khyal rahay kay mulk main afvaj e Pakistan , hukumat aur awam ki jnaib say youm e difah o shuda bharpoor josh o kharosh say mananay kay liye tayariyan urooj pe hain.
Guzishta roz Pak fauj kay sarbrah general qamar jawed bajwa nay kaha tha kay shuda ki qurbaniyon khidmat ka eteraaf kiya jaye, flad formation shuda kay khandaanon say mil kar in ki azeem qurbaniyon ka ehteraam aur eteraaf karen.
DG ISPR major general asif ghafoor nay elaan kiya tha kay hamen piyar hai Pakistan say, kay naam pe youm e difah manaya jaye ga, koi shahadaat bhooli nahi jaye gi aur watan ki hifazat kay liye janain dene walon ko salaam pesh kiy ajayega.
Inhon nay quom say bharpoor shamuliyat ki darkhuwast kartay huvay kaha tha kay aiye zinda quom ki tarhan apnay shuda ko yad rakhen, hamaray shuda nay apna aaj hamaray mehfooz kal kay liye qurban kiya, shaheed hamaray asal hero hain.
